Þórhallur Víkingsson, þjálfari HK/Víkings var þokkalega sáttur eftir jafnteflið í kvöld.
„Já þetta var svona kaflaskiptur leikur. Mér fannst við vera sterkari í fyrri hálfleiknum en síðasta korterið þá sóttu þær helvíti hart að okkur og hefðu getað skorað þá. Heilt yfir kannski sanngjarnt, ekki úrslit sem að hvorugt liðið getur sætt sig við en kannski sanngjarnt í heildina.”
Þórhallur gat séð jákvæðar hliðar á leik liðsins og var ánægður með stigið þó að þær hafi ætlað sér að ná í þrjú stig.
„Jájá algjörlega. Grindavík er náttúrulega búið að ná í góð úrslit í síðustu leikjum og er með fínt lið. Að koma á útivöll og ná í stig, það er enginn heimsendir að því en við ætluðum að ná í þrjú en það verður að bíða þangað til í næsta leik.”
Athugasemdir
