Anna Björk Kristjánsdóttir, leikmaður íslenska landsliðsins, viðurkennir að hafa verið svekkt að þurfa að verma varamannabekkinn í leiknum gegn Frakklandi í gær.
Hún segir að liðsvalið hafi þó ekki komið sér á óvart enda stóð liðið sig afskaplega vel gegn Brasilíu í síðasta vináttuleik fyrir mót.
„Við höfum verið saman í tíu daga svo maður sér beinagrindina að byrjunarliðinu. Það kom ekkert gríðarlega á óvart að vera á bekknum," segir Anna.
Hún segir að erfitt hafi verið að fylgjast með þessum spennuleik af bekknum í gær.
„Það er miklu erfiðara að fylgjast með utan vallar. Þegar maður er inni á vellinum er maður bara í fókus og að hugsa um sitt. Það var frábært að horfa á liðið spila, það var rosaleg vinnusemi. Við reyndum að gefa þeim eins mikla orku og hægt væri."
Sjáðu viðtalið í heild sinni í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir