Rakel Hönnudóttir byrjaði á varamannabekknum í gær þegar Ísland og Frakkland mættust í fyrsta leik liðanna í Evrópumótinu sem haldið er í Hollandi.
Rakel hefur verið að glíma við meiðsli á nára og eina sem Freyr tilkynnti á fréttamannafundi fyrir leik var það að Rakel myndi byrja á bekknum. Meira vissu Íslendingar ekki.
Rakel hefur verið að glíma við meiðsli á nára og eina sem Freyr tilkynnti á fréttamannafundi fyrir leik var það að Rakel myndi byrja á bekknum. Meira vissu Íslendingar ekki.
„Ég er öll að koma til. Ég finn ekkert til lengur og hef verið að æfa mjög vel og það gengur vel. Ég verð með á öllu á æfingunni á eftir. Ég held að ég sé orðin nokkuð klár," sagði Rakel sem telur sig vera klára fyrir átökin á laugardaginn þegar Ísland mætir Sviss. Það var þó að heyra á henni að henni þætti það ólíklegt, miðað við spilamennsku Íslands í leiknum í gær.
„Það vilja allir byrja leikinn en liðið stóð sig frábærlega í gær og eina sem maður getur gert er að standa sig vel á æfingum. Maður ræður ekki byrjunarliðinu sjálfur."
„Við spiluðum geggjaðan varnarleik og maður var klappandi og öskrandi liðið áfram," sagði Rakel sem er á sínu þriðja stórmóti og finnst uppgangurinn vera mikill.
„Það var frábært að sjá allar þessar bláu treyjur í stúkunni og allir syngjandi og trallandi með. Á EM 2013 var þetta mestmegnis fjölskyldumeðlimir, ömmur og afar, mömmur og pabbar og það voru ennþá færri árið 2009. Þetta er alveg geggjað og það er fullt af fólki sem maður þekkir ekki neitt," sagði norðanmærin að lokum.
Viðtalið í heild sinni má sjá í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir