Elfar Árni Aðalsteinsson, leikmaður Breiðabliks, er farinn heim af sjúkrahúsi eftir að hafa verið fluttur þangað í skyndi í leik liðsins gegn KR í gær.
Elfar Árni missti meðvitund eftir höfuðhögg á fjórðu mínutu leiksins og í kjölfarið var leik hætt.
Í gærkvöldi fór Elfar í heilaskanna þar sem niðurstöður voru góðar. Elfar dvaldi síðan á sjúkrahúsi í nótt en í morgun fékk hann leyfi til að fara heim.
Elfar Árni missti meðvitund eftir höfuðhögg á fjórðu mínutu leiksins og í kjölfarið var leik hætt.
Í gærkvöldi fór Elfar í heilaskanna þar sem niðurstöður voru góðar. Elfar dvaldi síðan á sjúkrahúsi í nótt en í morgun fékk hann leyfi til að fara heim.
,,Líðan hans er orðin góð," sagði Borghildur Sigurðardóttir formaður knattspyrnudeildar Breiðabliks við Fótbolta.net í dag.
,,Hann fékk morgunmat á spítalanum í dag og fór síðan heim. Hann er allur að braggast."
Sjá einnig:
Leikur Breiðabliks og KR flautaður af eftir óhugnalegt atvik
Fréttatilkynning: Líðan Elfars eftir atvikum góð
Óli Kristjáns: Mikilvægt að allir sýni nærgætni í þessu
Mynd: Elfar Árni brosandi á sjúkrahúsinu
Athugasemdir