Staða KV í 1. deildinni batnaði ekki eftir umferð kvöldsins. 2-3 tap gegn Haukum staðreynd og er KV ennþá í fallsæti deildarinnar eftir 17 umferðir með 17 stig og fjórum stigum frá öruggu sæti.
Halldór Árnason þjálfari KV sagði að sitt lið hafi verið betri aðilinn í leiknum í kvöld en það hafi ekki skilað þeim stigum sem liðið var að sækjast eftir.
Halldór Árnason þjálfari KV sagði að sitt lið hafi verið betri aðilinn í leiknum í kvöld en það hafi ekki skilað þeim stigum sem liðið var að sækjast eftir.
,,Staðan hefur versnað eftir síðustu fjórar umferðir, það hefur farið illa í þessum leikjum og staðan er klárlega ekki góð eins og staðan lítur út núna. Við vorum betri aðilinn í dag, við spiluðum fótbolta en þeir voru að slást og það skilaði þeim þremur stigum," sagði Halldór.
,,Við reyndum að spila boltanum í gegnum miðjuna og halda boltanum en þegar við misstum boltann þurftum við að slást."
Á sjöttu mínútu uppbótartímans fengu tveir leikmenn KV að líta rauða spjaldið, fyrst Ingólfur Sigurðsson eftir baráttu við Andra Stein Birgisson sem féll og Gunnar Kristjánsson við sama tækifæri fyrir að láta einhver vel valin orð falla við Garðar Örn dómara leiksins.
,,Þeir héldu áfram að slást eins og þeir gerðu allan leikinn sem endar með því að þeirra leikmaður fer niður eftir klafs. Ég veit ekki hvað gerðist. Ingólfur Sigurðsson er ekki að fara slá einhvern það fast að hann fari niður. Ég veit síðan ekkert hvað Gunni (Gunnar Kristjánsson) sagði. Honum finnst ekki leiðinlegt að henda í nokkur rauð. Gunnar er að fara út og spilar ekki fleiri leiki en það er slæmt að missa Ingólf í bann, við þurfum á okkar öllum mönnum að halda."
Viðtalið í heild sinni er hægt að sjá í sjónvarpinu hér að ofan.
Athugasemdir