Það voru fjórir leikir í 1. deild kvenna í dag. Þessi deild er gríðarlega spennandi og hefur spilast skemmtilega.

Toppbaráttan varð ef eitthvað er meira spennandi eftir þessa leiki sem voru að klárast núna.

Topplið Selfoss tapaði gegn ÍA í gær og Þróttur R. sem er í öðru sæti tapaði í dag gegn ÍR í leik sem var í beinni textalýsingu á Fótbolta.net. Þar var eitt mark skorað og það gerði Mykaylin Rosenquist fyrir ÍR.

ÍR-ingar spiluðu einum færri síðasta korterið, en það kom ekki að sök. Flottur sigur hjá ÍR í þessum leik.

Þessi úrslit hjálpa HK/Víkingi mikið. HK/Víkingur hafði tapað síðustu tveimur leikjum sínum og þær lentu í frekar kröppum dansi gegn Sindra á Höfn í Hornafirði í dag.

HK/Víkingur lenti tvisvar undir í leiknum, en þær unnu á endanum flottan sigur. Þær eru með 30 stig, tveimur stigum frá Selfossi og Þrótturum. Toppbaráttan er gríðarlega spennandi.

Víkingur Ólafsvík reif sig síðan upp af botninum með 2-1 sigri á Tindastóli. Nú vermir Tindastóll botnsætið.