Það voru fimm leikir í 2. deild karla er 17. umferð lauk. Magni og Njarðvík gerðu jafntelfi í gær, en það er spenna á toppnum og á botninum í 2. deildinni. Það getur margt gerst.

Víðir úr Garði er á skriði. Þeir höfðu betur gegn Hugin frá Seyðisfirði í dag og eru núna búnir að vinna fjóra leiki í röð.

Víðismenn eru í þriðja sæti deildarinnar og eru aðeins einu stigi frá Magna, sem er í öðru sæti deildarinnar.

Möguleikar Aftureldingar eru býsna litlir eftir tap gegn Fjarðabyggð í dag. Eina markið skoraði Zoran Vujovic úr vítaspyrnu þegar 10 mínútur voru til leiksloka. Fjarðabyggð komst upp úr fallsæti með þessum sigri, en þeir sendu KV niður í 11. sætið.

KV tapaði 3-0 gegn Völsungi á Húsavík. Völsungur er í fimmta sæti með 26 stig, sex stigum frá öðru sætinu.

Að lokum burstaði Tindatól Hött á heimavelli þar sem hinn 15 ára gamli Jón Gísli Eyland Gíslason skoraði eitt mark og lagði upp þrjú. Og þá vann botlið Sindra sinn fyrsta leik í sumar, þeir kláruðu Vestra 3-0. Vestri er í fallbaráttu, þeir eru með 20 stig.