Á X977 í dag var opinberað hverjir þrír efstu í hverjum flokki eru og hér að neðan má sjá þrjá bestu varnarmennina.

Sá sem valinn var besti varnarmaðurinn vann með nokkrum yfirburðum.

Þátttakendum gafst kostur á að koma með rökstuðning fyrir vali sínu og birtum við valin ummæli með.

---

1. Bjarni Ólafur Eiríksson (Valur)

„Herra áreiðanlegur. Í liðinu sem fær fæst mörk á sig og er stöðugt ógnandi í bakverðinum."

„Hann er "allur pakkinn", hraðinn hefur minnkað en hann getur allt annað. Frábær leikmaður."

„Sterkur sóknarlega með frábærar fyrirgjafir. Ofan á það flottur karakter. Spilar alltaf á pari eða undir pari. Gæði."

---

2. Orri Sigurður Ómarsson (Valur)

„Bindur saman vörn toppliðsins. Gríðarlega þroskaður varnarmaður þrátt fyrir að vera ekki gamall."

„Ef það eru ekki erlendir útsendarar í stúkunni á hverjum Valsleik að fylgjast með honum þá er eitthvað að klikka í njósnakerfinu."

„Varð lykilmaður Vals um leið og hann skrifaði undir og hefur ekki litið til baka."

---

3. Eiður Aron Sigurbjörnsson (Valur)

„Les leikinn frábærlega."

„Hefur sementað vörn Valsmanna. Besta vörnin í deildinni varð enn betri eftir að hann kom.."

„Valsmenn taka þetta á þéttum varnarleik og Eiður hefur komið með mikil gæði inn í liðið."