Það er óhætt að segja að Dortmund byrji þetta tímabil af krafti. Hinn efnilegi Christian Pulisic skoraði fyrsta markið í dag. Pulisic byrjaði leikinn í fjarveru Ousmane Dembele, sem vill fara til Barcelona. Fimm mínútum eftir mark Pulisic bætti Marc Bartra við öðru marki og þegar stundarfjórðungur var búinn af seinni hálfleiknum gerði markamaskína Pierre-Emerick Aubameyang út um þennan leik.

Lokatölur 3-0 fyrir Dortmund, sem byrjar vel undir stjórn Peter Bosz. Wolfsburg átti vonbrigðartímabil á síðasta tímabili, en það verður spennandi að sjá hvað þeir gera eftir þetta tap.

Alfreð Finnbogason var í byrjunarliði Augsburg í dag og spilaði allan leikinn í 1-0 tapi gegn Hamburger SV. Ekki góð byrjun hjá Augsburg, en sparkspekingar spá þeim fallbaráttu á tímabilinu.

Hoffenheim vann Werder Bremen, en Aron Jóhannsson spilaði síðustu mínúturnar í þeim leik. Hertha lagði nýliða Stuttgart og Hannover sótti þrjú stig á erfiðan útivöll.

Hér að neðan eru úrslit og markaskorarar úr leikjunum fimm.

Hoffenheim 1 - 0 Werder
1-0 Andrej Kramaric ('84 )

Hertha 2 - 0 Stuttgart
1-0 Matthew Leckie ('46 )
2-0 Matthew Leckie ('62 )

Hamburger 1 - 0 Augsburg
1-0 Nicolai Muller ('8 )

Mainz 0 - 1 Hannover
0-1 Martin Harnik ('73 )

Wolfsburg 0 - 3 Borussia D.
0-1 Christian Pulisic ('22 )
0-2 Marc Bartra ('27 )
0-3 Pierre Emerick Aubameyang ('60 )

Leikur Schalke og RB Leipzig hefst 16:30.

Sjá einnig:
Er þynnka í Bæjurum (upphitun)