Eiður Aron Sigurbjörnsson skoraði mark Sandnes Ulf sem komst yfir gegn Brann í norsku úrvalsdeildinni í kvöld. Brann jafnaði 1-1 sem urðu lokatölur.
Eiður gekk í raðir Sandnes frá ÍBV í ágúst en hann kom liðinu yfir á 52. mínútu en jöfnunarmarkið kom tíu mínútum síðar.
Hannes Þór Halldórsson, Hannes Þ. Sigurðsson og Eiður spiluðu allan leikinn fyrir Sandnes sem er í neðsta sæti með 15 stig þegar sex umferðir eru eftir. Allt stefnir í að liðið falli.
Birkir Már Sævarsson kom inn sem varamaður í lokin í leiknum (86. mínútu) en Brann er í fjórða neðsta sæti með 23 stig og í fallhættu.
Athugasemdir
