Fótbolti.net

þri 19. september 2017 08:00

Fótbolti.net

Hófið - Skin, skúrir og Hlíðarendafögnuður

Uppgjör 20. umferðar

Kristinn Ingi öskrandi kátur.

Mynd: Fótbolti.net - Hafliði Breiðfjörð

Bjössi Hreiðars eftir lokaflautið.

Mynd: Fótbolti.net - Hafliði Breiðfjörð

Haukur Páll í flugferð.

Mynd: Fótbolti.net - Hafliði Breiðfjörð

Eyjamenn töpuðu á flautumarki.

Mynd: Fótbolti.net - J.L.

Reimað fyrir Gunnar.

Mynd: Fótbolti.net - J.L.

20. umferð Pepsi-deildarinnar lauk í gær. Langstærstu tíðindin voru þau að Valsmenn innsigluðu verðskuldaðan Íslandsmeistaratitil en bikarinn fer á loft í lokaumferðinni.

Fólk fékk mest fyrir 2.000 kallinn: Valsarar tryggðu sér sigur á mótinu með stæl. Liðið sýndi alvöru Vals-frammistöðu og liðsheild sem hefur einkennt liðið stærstan hluta mótsins og vann 4-1 sigur gegn Fjölnismönnum. Lestu nánar um leikinn.

EKKI lið umferðarinnar: Fjölnismenn eiga nóg af fulltrúum eftir hreinlega arfaslaka frammistöðu gegn Valsmönnum. Þá halda Blikar áfram að valda vonbrigðum en þeir fengu fjögur mörk á sig og töpuðu 4-3 í Grindavík.

Húsavík umferðarinnar: Sex af tólf Íslendingum sem byrjuðu leik KR og KA eru frá Húsavík. Svo var sjöundi Húsvíkingurinn í stúkunni, Friðgeir Bergsteinsson.

Einkenni umferðarinnar: Haustlægðirnar einkenna Pepsi-deildina í sumar. Það var rok og rigning á völlunum. Leikur Víkings Ó. og Víkings R. var færður aftur um sólarhring en það var þó nánast sundlaug á miðjum vellinum þegar leikið var.

Ekki mark umferðarinnar: KR-ingar héldu að þeir væru að tryggja sér sigur gegn KA í uppbótartíma. Þeir voru búnir að fagna markinu og KA að búa sig undir að taka miðju þegar markið var dæmt af. Dæmt var að Garðar Jóhannsson hefði í rangstöðu skyggt á útsýni markvarðar KA þegar Tobias Thomsen náði að koma knettinum í netið.

Razzies verðaun umferðarinnar: Pétur Viðarsson, sjá nánar.

Viðbrögð umferðarinnar: Leikmenn voru fljótir að bregðast við höfuðmeiðslum Hólmberts Arons Friðjónssonar í jafnteflisleik ÍA og Stjörnunnar. Leikmenn sem voru nálægt atvikinu kölluðu strax á sjúkrabíl sem kom keyrandi inn á völlinn. Aldrei of varlega farið þegar um höfuðmeiðsli er að ræða.

Darraðadans umferðarinnar: Jöfnunarmark ÍA gegn Stjörnunni kom eftir ótrúlegan darraðadans á vítateignum þar sem Garðbæingar björguðu tvívegis á línu áður en Steinar Þorsteinsson skoraði. Nokkrum mínútum áður hafði einnig verið mikill darraðadans í markteig Stjörnunnar þar sem Skagamenn áttu tvær tilraunir í slána.

Hraðaupphlaup umferðarinnar: Annað mark Stjörnunnar gegn ÍA kom eftir stórkostlega skyndisókn. Haraldur Björnsson, markvöðrur Stjörnunnar, var fljótur að hugsa eftir að aukaspyrna ÍA fór aftur fyrir endamörk. Haraldur setti boltann strax í leik og nokkrum sekúndum seinna skoraði Hólmbert Aron Friðjónsson á hinum enda vallarins eftir laglegt spil.

Hamborgari umferðarinnar: Andri Rúnar mætti með hamborgara í viðtal. Jónas formaður kom með borgarann inn í klefa strax eftir leik. Verskuldaður borgari fyrir Andra sem er kominn með 18 mörk, marki frá markametinu þegar tvær umferðir eru eftir.

Einfaldleiki umferðarinnar: Ummæli Milos um að það sé ekki erfitt að stöðva Andra Rúnar. Hans menn hafi bara ekki farið eftir fyrirmælum. Það er erfitt þegar leikmenn eru hættir að hlusta á þjálfarann sinn.

Dómari umferðarinnar: Ívar Orri Kristjánsson fékk 9,5 í einkunn fyrir dómgæsluna í leik Vals og Fjölnis. Ívar átt flott sumar.

Nokkrir sem brosa breitt eftir umferðina:
- Óli Jó og Bjössi Hreiðars. Þvílíkt starf sem þeir hafa unnið á Hlíðarenda.
- Víkingar úr Reykjavík. Unnu nafna sína í Ólafsvík og eru búnir að losa sig við falldrauginn.
- Steven Lennon heldur áfram að vera gulls ígildi fyrir FH. Skoraði flautusigurmark gegn ÍBV.
- Andri Rúnar. Markametið er handan við hornið.

Nokkrir sem geta verið ansi pirraðir eftir umferðina:
- Blikar. Enn og aftur.
- Ejub Purisevic. Varnarleikur Ólsara er svo sannarlega ekki til útflutnings.
- Ágúst Gylfason vildi ekki einu sinni ræða um arfadapra frammistöðu sinna manna gegn Val.
- Kristján Guðmundsson. Þrátt fyrir góða frammistöðu stærstan hluta leiksins gegn FH fóru Eyjamenn tómhentir úr Krikanum.

Nokkur áhugaverð ummæli eftir umferðina: