John Terry, fyrrum fyrirliði Chelsea og núverandi leikmaður Aston Villa, virðist hafa mikið dálæti á fyrrverandi liðsfélaga sínum Willian. Brasilíumaðurinn birti fyrr í dag skemmtilega mynd á Instagram síðu sinni sem sýnir áritaða Chelsea treyju frá Terry ásamt skilaboðum.
„Þú ert magnaður leikmaður og góður vinur. Það hefur verið mikill heiður að fylgjast með þér æfa og spila með Chelsea. Ég er heppinn að hafa fengið að spila með þér en ekki þurft að spila á móti þér. Toppleikmaður. JT." sagði í skilaboðunum frá Terry.
„Þú ert magnaður leikmaður og góður vinur. Það hefur verið mikill heiður að fylgjast með þér æfa og spila með Chelsea. Ég er heppinn að hafa fengið að spila með þér en ekki þurft að spila á móti þér. Toppleikmaður. JT." sagði í skilaboðunum frá Terry.
Willian er mjög þakklátur fyrir þessa gjöf frá fyrrum samherja sínum og svarar honum með hjartnæmum skilaboðum á Instagram síðu sinni.
„Í vikunni varð ég þess heiðurs aðnjótandi að fá fallega gjöf frá goðsögninni og vini mínum John Terry. Þakka þér kærlega fyrir gjöfina og fallegu skilaboðin sem fylgdu með. Það hefur verið mér mikill heiður að spila með einum besta varnarmanni í heimi. Á þeim fjórum árum sem við unnum saman lærði ég margt af þér og er ég mjög stoltur af því að geta sagt að ég hafi spilað með þér. Ég óska þér velfarnaðar í lífinu kæri vinur."
Willian gekk í raðir Chelsea árið 2013 og saman unnu þeir félagar ensku úrvalsdeildina tvisvar áður en Terry gekk til liðs við Aston Villa í Championship-deildinni í sumar.
Athugasemdir