Það voru leikir að klárast í Svíþjóð og Noregi nú rétt í þessu.
Guðmundur Þórarinsson og Jón Guðni Fjóluson spiluðu báðir 90 mínútur þegar Norrköping spilaði gegn Hacken í sænsku úrvalsdeildinni. Norrköping vann öruggan 4-1 sigur.
Skagamaðurinn ungi Arnór Sigurðsson spilaði einnig í leiknum, en hann kom inn á sem varamaðu á 84. mínútu.
Norrköping er núna í fimmta sæti deildarinnar með 40 stig.
Í Noregi spilaði Oliver Sigurjónsson síðan síðustu mínúturnar þegar Bodø/Glimt, hafði betur gegn Tromsdalen í norsku 1. deildinni.
Oliver kom til Bodø/Glimt frá Breiðabliki í sumar, en hann hefur mikið verið á bekknum síðan hann hélt til Noregs.
Bodø/Glimt er á hraðleið upp í norsku úrvalsdeildina.
Athugasemdir