Carlo Ancelotti, þjálfari Real Madrid á Spáni, hrósaði Cristiano Ronaldo, leikmanni liðsins, í hástert eftir 0-5 sigur á Levante í gær.
Ronaldo gerði tvö mörk er Real Madrid fór illa með Levante í gær en portúgalski snillingurinn er kominn með 15 mörk í fyrstu átta leikjum tímabilsins á Spáni.
Hann sló þar með met Esteban Echevarria hjá Real Oviedo en hann skoraði 14 mörk í fyrstu átta umferðum deildarinnar tímabilið 1943-44.
,,Það sem Ronaldo gerir er ómögulegt. Hann verður að halda áfram á sömu braut og við verðum að hjálpa til við að halda því gangandi," sagði Ancelotti.
Athugasemdir