Liverpool vann ótrúlegan 3-2 útisigur gegn QPR í ensku úrvalsdeildinni í dag. Fjögur mörk komu í lok leiksins þar sem sigurmark Liverpool var sjálfsmark örfáum sekúndum áður en flautað var til leiksloka.
„Það er klárt mál að QPR átti ekki skilið að tapa. Við vorum heppnir að ná þessum sigri en sýndum ótrúlegan karakter," segir Brendan Rodgers, stjóri Liverpool.
„Við spiluðum aðeins betur í seinni hálfleiknum en QPR átti án nokkurs vafa skilið að fá eitthvað út úr leiknum. Í fyrri hálfleik var enginn taktur í okkar spilamennsku. Við náðum engum sendingum og það var enginn hraði í leiknum."
„Innkomur Joe Allen og Phillipe Coutinho voru lyftistöng fyrir okkur og við byrjuðum að skapa fleiri færi. Raheem Sterling sýndi mikla löngun og var magnaður í hlaupum sínum. Niðurstaðan er þó þessi: Við vorum heppnir."
Athugasemdir