Þýskir fjölmiðlar segja að enska félagið Leeds hafi haft áhuga á Aroni Jóhannssyni í sumar, áður en félagið keypti Pierre-Michel Lasogga frá Hamburg.
Á vefsíðunni Sport Witness er talað um að Leeds gæti reynt að fá Aron í janúarglugganum og að Werder Bremen sé tilbúið að selja.
Aron, 26 ára, er úti í kuldanum hjá Werder Bremen og fær ekkert að spila.
Leeds var í viðskiptum við þýska félagið í síðasta glugga þegar það fékk Felix Wiedwald.
Allt bendir til þess að Aron, sem er fyrrum leikmaður Fjölnis, færi sig um set í janúar.
Leeds er sem stendur í sjötta sæti Championship-deildarinnar á Englandi.
Athugasemdir