banner
   fim 19. október 2017 09:40
Elvar Geir Magnússon
Barcelona fylgist með Kane og Eriksen
Powerade
Barcelona með augu á Eriksen.
Barcelona með augu á Eriksen.
Mynd: Getty Images
Thomas Lemar.
Thomas Lemar.
Mynd: Getty Images
Slúðurpakki. Slakið, njótið og lifið. BBC tók saman.

Fulltrúar Barcelona fylgdust með Harry Kane (24) og Christian Eriksen (25) þegar þeir léku með Tottenham gegn Real Madrid í Meistaradeildinni. (Mundo Deportivo via TalkSport)

Jose Mourinho stjóri Manchester United hefur rætt lauslega við forráðamenn félagsins um nýjan samning en er ekki að drífa sig að klára málin. (ESPN)

Leicester City mun ekki flýta sér að ráða nýjan knattspyrnustjóra en félagið vill fá stórt nafn til að taka við af Craig Shakespeare sem var rekinn á þriðjudaginn. (Daily Mirror)

Stóri Sam Allardyce hefur útilokað að taka við Leicester en er áhugasamur um að verða næsti landsliðsþjálfari Bandaríkjanna. (TalkSport)

Breska viðskiptakonan Amanda Staveley er líkleg til að gera tilboð í Newcastle United en félagið er til sölu. (Times)

Juventus hefur blandað sér í baráttu við Barcelona og Manchester City um miðjumanninn Julian Weigl (22) hjá Borussia Dortmund.
(CalcioNews24)

Jaap Stam, stjóri B-deildarliðsins Reading, hefur staðfest að félagið hafi áhuga á að kaupa sóknarmanninn James Wilson (21) frá Manchester United í sumar. (Reading Chronicle)

Inter vill fá miðjumanninn Brahim Diaz (18) frá Manchester City. (Tuttosport)

Arsenal og Liverpool hafa meiri möguleika á að krækja í framherjann Thomas Lemar (21) hjá Mónakó eftir að Bayern München slökkti á áhuga sínum. (football.london)

Newcastle og Stoke hafa sent njósnara til að fylgjast með sóknarmanninum Nordine Ibouroi (19) sem spilar fyrir franska utandeildarliðið FC Martigues. (The Sun)

Miðjumaðurinn Rafinha (24) hefur engan áhuga á að yfirgefa Barcelona en Arsenal og Chelsea hafa áhuga á honum. (TalkSport)

Eddie Howe, stjóri Bournemouth, segir það kjaftæði að sóknarmaðurinn Benik Afobe (24) verði látinn fara í janúar. Howe segir að leikmaðurinn sé í sínum áætlunum en West Brom og Wolves hafa áhuga á honum. (Birmingham Mail)

Manchester United er farið að ræða við varnarmanninn Phil Jones (25) um nýjan samning. (ESPN)

Crystal Palace hefur ákveðið að leggja meiri áherslu á að reyna að fá sóknarmanninn Cenk Tosun (23) hjá Besiktas eftir góða frammistöðu hans í Meistaradeildinni. (Daily Mirror)

Fernando Llorente (32), sóknarmaður Tottenham, vill ekki neita því að hann hafi áhuga á að fara aftur til Juventus. (Calcio Mercato)

Framtíð sóknarmannsins Henry Onyekuru (20) hjá Everton er í óvissu. Leikmaðurinn var keyptur frá Eupen í Belgíu í janúar og er á láni hjá Anderlecht. Hann mun ekki fá að snúa aftur til Everton í janúar þar sem engin klásúla býður upp á það í lánssamningnum. (Liverpool Echo)

Jurgen Klopp, stjóri Liverpool, segir að lex Oxlade-Chamberlain (24) sé ekki tilbúinn í að spila á miðri miðjunni á Anfield. (Daily Mail)

Mesut Özil er reiður yfir því hvernig Arsenal hefur nýtt síðustu félagaskiptaglugga. Þetta segir Robert Pires, fyrrum leikmaður Arsenal. (London Evening Standard)

Steven Gerrard segir að hann hafi ekki trúað því þegar Chelsea seldi Nemanja Matic til Manchester United í sumar. Gerrard segir að Matic sé einn erfiðasti andstæðingur sem hann hafi mætt. (Mirror)

Frank Lampard, fyrrum miðjumanni Chelsea, finnst Antonio Conte, núverandi stjóri liðsins, virka stressaður og óánægður. (BT Sport)

Glenn Hoddle, fyrrum stjóri Chelsea, gagnrýnir miðjumanninn Tiemoue Bakayoko og segir að hann þurfi að sýna meira. (Metro)

Antonio Valencia, varnarmaður Manchester United, þakkaði Gary Neville fyrir hlý orð á Twitter. Neville sagði að Valencia hefði þróast í stórgóðan hægri bakvörð. (Twitter)


Athugasemdir
banner
banner
banner
banner