Finnur Tómas Pálmason, sextán ára varnarmaður KR, er farinn til Skotlands þar sem hann verður til reynslu hjá skoska stórliðinu Celtic í Glasgow.
Njósnarar Celtic tóku eftir honum á Norðurlandamóti U17 landsliða í sumar og buðu honum til reynslu þar sem hann verður í viku.
Finnur er miðvörður og mun æfa með U17 og U19 liðum Celtic auk þess sem hann spilar á móti unglingaliði Manchester United.
Hann hefur leikið ellefu leiki með U17 landsliði Íslands og þá var hann í liði KR sem varð í sumar Íslandsmeistari í 2. flokki en á enn eftir að leika sinn fyrsta leik fyrir meistaraflokk.
Athugasemdir