Everton er aðeins eitt af sex félögum sem hafa verið í Úrvalsdeildinni frá upphafi, en Chelsea er næstgrófast af þeim og Arsenal kemur í þriðja sæti.

Í rannsókninni kemur fram að háttvísin hefur farið batnandi í deildinni og eru mun færri spjöld gefin í dag heldur en fyrstu árin.

Ef litið er á meðaltalið þá er Derby County grófasta lið deildarinnar og eina félagið með yfir 2 gul spjöld á leik. Blackburn Rovers átti þó grófasta tímabilið 1998-99, þegar liðið fékk 8 rauð spjöld, 80 gul og 725 brot dæmd á sig.

Coventry City átti prúðasta tímabilið 1993-94 þegar leikmenn liðsins fengu aðeins tólf gul spjöld og ekkert rautt.

Búið er að setja upp áhugaverða vefsíðu þar sem hægt er að skoða tölfræði varðandi brot og spjöld frá upphafi Úrvalsdeildarinnar.