Wellens er 37 ára gamall og hefur spilað fyrir níu mismunandi félög á Englandi. Hann var ráðinn í þjálfarateymi Oldham í sumar og tók svo við liðinu sem bráðabirgðastjóri í lok september, eftir að John Sheridan var rekinn.

Oldham var í 19. sæti C-deildarinnar þegar Wellens tók við, og er félagið búið að vinna fjóra leiki og gera eitt jafntefli síðan. Þess vegna var ákveðið að bjóða þjálfaranum tveggja ára samning.

„Ég átti mjög gott spjall við Mark Koisley (framkvæmdastjórann) og Simon Corney (eigandan). Samræðurnar gengu mjög vel," sagði Scholes.

„Ég hafði mjög mikinn áhuga á að taka við félaginu en Richie Wellens byrjaði mjög vel og ég skil að félagið vilji hafa hann áfram við stjórnvölinn."

Scholes er ekki búinn að segja skilið við knattspyrnuna því hann er kominn með þjálfararéttindi og segist ætla að hoppa á rétt starf þegar það gefst.