Argentínumaðurinn Ezequiel Lavezzi hefur áhuga á að færa sig yfir til Barcelona frá París ef marka má nýjustu ummæli kappans.
Samningur Lavezzi við franska stórveldið rennur út næsta sumar og hafa sögusagnir verið á kreiki um að hann muni jafnvel færa sig um set í janúar.
„Ég ætla ekki að neita því að það væri draumi líkast að spila með liði eins og Barcelona."
„Ég mun fara yfir stöðuna í rólegheitum og reyna að taka sem besta ákvörðun," segir Lavezzi.
Þessi þrítugi kantmaður var öflugur með Argentínu í vikunni en hann skoraði eina mark liðsins í jafntefli gegn Brasilíu og lagði svo upp sigurmark Argentínu gegn Kólumbíu í 1-0 sigri.
Athugasemdir