Leicester mun koma Newcastle á óvart um helgina með því að gefa ekki á Jamie Vardy en Claudio Ranieri gantaðist með það í viðtali fyrir leikinn.
Vardy er byrjaður að æfa aftur en hann missti af vináttuleikjum Englands í vikunni vegna meiðsla í mjöðm. Vardy á möguleika á að jafna met Ruud van Nisterlrooy með því að skora í tíu leikjum í röð í ensku úrvalsdeildinni en Hollendingurinn er sá eini sem hefur náð því.
Daryl Janmaat fékk rautt spjald fyrir að brjóta á Vardy, síðast þegar liðin mættust og hefur hann sagt að liðið ætli sér allt til að koma í veg fyrir að hann nái að skora.
„Þetta er eðlilegt, allir vilja stoppa Jamie Vardy, hann er markaskorarinn okkar. Kannski reynum við að gefa á aðra leikmenn í staðin."
„Ef hann er heill, þá spilar hann. Hann æfði aðeins í dag og vonandi æfir hann meira á morgun," sagði Ranieri.
Athugasemdir