Neymar virðist vera orðinn framtíðar vítaskytta PSG en fyrr á tímabilinu rifust þeir Neymar og Cavani um hver ætti að taka vítaspyrnu sem liðið fékk í leik gegn Lyon.
Cavani var spurður út í það í gær eftir sigur liðsins á Nantes hver myndi taka næstu vítaspyrnu liðsins og svar hans við spurningunni var, „Neymar."
Hann sagði einnig frá því að það hafi verið, Unai Emery, stjóri liðsins sem tók ákvörðunina.
Áður hafði Thiago Silva látið þetta út úr sér: „Við höfum ákveðið að Neymar muni taka allar vítaspyrnur."
Þetta vandamál sem var mikið í umræðunni um tíma virðist nú vera leyst. Þeir Neymar og Cavani léku báðir í gær gegn Nantes, Neymar tókst ekki að koma boltanum í netið en Cavani setti hins vegar tvö.
Athugasemdir