Sara Björk Gunnarsdóttir var enn eina ferðina á skotskónum á þessu tímabili í dag.

Wolfsburg sótti SGS Essen heim og komst aftur á topp þýsku úrvalsdeildarinnar.

Staðan var 2-0 í hálfleik fyrir Wolfsburg og í upphafi seinni hálfleiks bætti Sara Björk við þriðja markinu. Alexandra Popp gerði síðan fjórða markið áður en yfir lauk og lokatölur 4-0.

Þetta var reyndar fyrsta mark Söru í deildinni, en hún hefur skorað fjögur mörk í Meistaradeildinni og því hennar fimmta mark á tímabilinu þegar á heildina er litið.