fös 19. desember 2014 15:00
Magnús Már Einarsson
Chesterfield vill fá Gary Martin aftur á reynslu
Gary tók gullskóinn.
Gary tók gullskóinn.
Mynd: Fótbolti.net - Hafliði Breiðfjörð
Enska félagið Chesterfield vill fá Gary Martin framherja KR aftur á reynslu í janúar.

Gary hefur æft með Chesterfield undanfarna daga en liðið er í ensku C-deildinni.

,,Ég æfði bara tvívegis og æfingaleiknum sem ég átti að spila var frestað. Þeir hrifust samt af mér á æfingum og vilja fá mig aftur í janúar," sagði Gary við Fótbolta.net í dag.

,,Ég mun spila leik með þeim í janúar og við sjáum hvað gerist eftir það. Í millitíðinni mun ég koma aftur til Íslands þann 28. desember og bíða eftir að þetta verði skipulagt."

Gary hefur leikið í tvö og hálft ár með KR en hann varð markahæsti leikmaðurinn í Pepsi-deildinni í sumar með þrettán mörk.
Athugasemdir
banner
banner
banner
banner
banner