Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 19. desember 2014 17:21
Elvar Geir Magnússon
Íslenskir stuðningsmenn Liverpool handteknir á flugvelli
Frá stúkunni á Anfield.
Frá stúkunni á Anfield.
Mynd: Getty Images
Þrír íslenskir stuðningsmenn Liverpool voru fyrir þremur vikum kærðir til lögreglunnar á Heathrow-flugvelli í London fyrir ólæti og óviðeigandi framkomu um borð í flugvél Icelandair.

Frá þessu er greint af fréttastofu RÚV.

Þeir voru kærðir af hópi farþega til lögreglunnar á Heathrow þar sem þeir töldu sér ógnað af framkomu þeirra. Málið er til meðferðar hjá lögregluyfirvöldum ytra.

Einn af stuðningsmönnunum þremur segir við RÚV að þeir hafi sungið Liverpool-söngva á leið sinni út og að þeir hafi vissulega verið glaðir. Þeir hafi aftur á móti ekki fengið neinar athugasemdir frá áhöfn flugvélarinnar né öðrum farþegum á meðan fluginu stóð.

Lögreglan á Heathrow handtók mennina eftir lendingu og yfirheyrði. Þeim var síðan sleppt eftir að hafa verið fjörutíu klukkustundir í haldi lögreglu. Þeir misstu af leik Liverpool gegn Crystal Palace sem þeir ætluðu á en náðu Meistaradeildarleik gegn Ludogoretz.
Athugasemdir
banner
banner
banner
banner
banner