Adebayor sagði í viðtali að Arsenal liðinu skorti breidd í sínum leikmannahópi og benti hann á að þeir treysti of mikið á þá félaga Mesut Özil og Alexis Sanchez.

„Ef þú lýtur á Chelsea, ef að Hazard meiðist þá hafa þeir Willian. Ef að Willian myndi meiðast einnig þá gætu þeir notað Moses þarna framar. Vandamál Arsenal er að þeir eru bara Özil og Alexis ef annar þeirra meiðist þá eru þeir í töluverðum vandræðum."

Sagði framherjinn umdeildi en hann er ekki sá vinsælasti meðal stuðningsmanna Arsenal. En frægt er atvik sem gerðist í leik liðsins gegn Manchester City. Þá skoraði Adebayor fyrir City og hljóp yfir allan völlinn til að fagna fyrir framan stuðningsmenn Arsenal. Þá spilaði hann einnig fyrir Tottenham og ekki var það til að auka vinsældir stuðningsmanna Arsenal.