Heimild: Fram.is
Fram og Afturelding munu tefla fram sameiginlegu kvennaliði í meistaraflokki á næstu leiktíð.
Félögin hafa átt gott samstarf í yngri flokkum kvenna undanfarin ár og var næsta skref að skrá sameiginlegt meistaraflokkslið til leiks.
Félögin hafa átt gott samstarf í yngri flokkum kvenna undanfarin ár og var næsta skref að skrá sameiginlegt meistaraflokkslið til leiks.
Félögin gerðu samning sín á milli sem bindur meistaraflokkana saman næstu þrjú keppnistímabil.
Bæði lið lentu um miðja 1. deild kvenna í fyrra, í sitthvorum riðlinum þó. Fram/Afturelding mun því leika í 2. deildinni næsta sumar, en í fyrsta sinn í sögu íslenskrar knattspyrnu eru þrjár deildir í meistaraflokki kvenna.
„Það sem er alveg ljóst er að stefnan er tekin upp á við og við ætlum að spila í 1. deild að ári," stendur í yfirlýsingu frá FRAM.
„Virkilega spennandi verkefni sem við FRAMarar ætlum að leggja okkur alla í á næstu árum."
Athugasemdir