Guðjón hefur leikið 87 leiki fyrir ÍH og gert 10 mörk, en hann er einna þekktastur fyrir fjölhæfni sína.

Í upphafi ferilsins lék hann sem fremsti maður og var hann markakóngur 3. deildar árið 2005 með 20 mörk í 12 leikjum fyrir Hvíta riddarann.

Með ÍH hefur Guðjón leikið í öllum stöðum vallarins nema vinstri bakverðinum, en undanfarin tvö ár hefur hann varið mark félagsins.

ÍH var hársbreidd frá því að komast upp úr 4. deildinni síðasta sumar, en var slegið út af Berserkjum í umspilinu, sem komust áfram á fleiri mörkum skoruðum á útivelli.