Leikurinn byrjaði ekki vel fyrir Midtjylland því þeir lentu snemma 2-0 undir. Staðan í hálfleik var 2-0, en í seinni hálfleiknum breyttist hún.

Mikael Anderson kom inn í hálfleik og spilaði í sókninni. Hann var fljótur að láta að sér kveða og minnkaði muninn strax eftir þrjár mínútur í seinni hálfleik.

Hann jafnaði svo metin úr vítaspyrnu, sem hann fiskaði sjálfur. Jöfnunarmarkið kom þegar tæpur tíu mínútur voru eftir leiknum, virkilega vel gert hjá þessum efnilega leikmanni.

Mikael er eins og áður segir aðeins 18 ára gamall, en þrátt fyrir það er hann í aðalliðshópnum. Hann sagði frá því í viðtali við Fótbolta.net á síðasti ári að það kæmi til greina að spila fyrir íslenska landsliðið.

„Auðvitað kemur það til greina. Ég er ennþá Íslendingur og á fjölskyldu sem ég heimsæki á Íslandi. Möguleikinn er til staðar en við sjáum bara til hvað gerist í framtíðinni," sagði Mikael þá.