Það var einn leikur á dagskrá í spænsku úrvalsdeildinni í kvöld, en Las Palmas fékk þá Deportivo La Coruna í heimsókn. Þetta var fyrsti leikurinn í 19. umferð deildarinnar.

Las Palmas, sem var sex stigum á undan Deportivo fyrir leikinn í kvöld, náði forystunni eftir 13 mínútur þegar Mateo Garcia skoraði.

Staðan var 1-0 í hálfleik, en um miðjan seinni hálfleikinn jafnaði hinn rúmenski Florin Andone fyrir Deportivo og þar við sat.

Lokatölur í kvöld í þessum leik voru 1-1, en áfram eru það sex stig sem skilja liðin að. Las Palmas er í tíunda sæti með 25 stig, en Deportivo er í 15. sæti með 19 stig.

Stigatöfluna í heild sinni má sjá hér að neðan en það gæti tekið smá tíma fyrir hana að uppfærast.