„Ég er bara mjög ánægður með sigurinn, þetta var erfiður leikur. Við vörðumst stóran hluta leiksins gegn mjög sterku Magnaliði,“ sagði Lárus Orri Sigurðsson þjálfari Þórs eftir 1-0 sigur gegn Magna í Kjarnafæðismótinu í Boganum í kvöld. Ármann Pétur Ævarsson skoraði mark Þórs á 8. mínútu,
„Það sem að kannski við vitum hérna fyrir norðan en önnur lið gera sér ekki grein fyrir er að Magni er bara með alveg hörkulið. Í fyrra útaf aðstæðunum sem eru hérna fyrir norðan var Magni með mjög gott lið og þeir hafa ekki gert neitt annað en að bæta við sig og eru komnir með stóran og flottan hóp. Það stefnir ekkert í neina fallbaráttu hjá þeim, þeir hljóta að vera farnir að stefna í efri hlutann ef eitthvað er.“
Þórsarar tefldu fram tveimur nýjum leikmönnum í dag. Admir Kubat spilaði sinn fyrsta leik og Kelvin Sarkorh er á reynslu hjá félaginu.
„Við signuðum Admir í nóvember eða desember og það var alltaf von á honum í janúar. Svo er Kelvin á reynslu hjá okkur núna og verður með okkur næstu tvo leiki. Við erum að leita okkur af einum leikmanni í viðbót.“
Viðtalið við Lárus Orra má sjá í heild sinni hér að ofan.
Athugasemdir