Mikið hefur verið rætt um væntanlega félagaskipti Alexis Sanchez til Manchester United og Henrikh Mkhitaryan í Arsenal.
Nú hefur verið greint frá því að félögin hafa komist að samkomulagi um félagaskipti. Daily Mail segir frá.
Læknateymi Manchester United var, að sjálfsögðu, á Turf Moor áðan þegar liðið spilaði gegn Burnley en Sanchez á að fara í læknisskoðun hjá Man Utd í kvöld.
Mourinho sagði eftir leik sinna manna í dag að félagaskiptin ættu að ganga í gegn bráðum eða aldrei.
Arsene Wenger sagði að ekkert yrði af félagaskiptunum nema að Arsenal fengi Mkhitaryan á móti og það yrði ákveðið á næstu tveimur sólarhringum.
Alexis Sanchez hefur spilað fyrir Arsenal síðan hann kom frá Barcelona árið 2014.
Mkhitaryan hefur verið hjá Manchester United síðan 2016 en hann kom frá Dortmund.
Athugasemdir