Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 20. janúar 2018 10:00
Útvarpsþátturinn Fótbolti.net
Þjóðadeildin og ótímabær spá fyrir Pepsi-deildina á X977 í dag
Spá í Pepsi-deildina í janúar? Jaaa, því ekki.
Spá í Pepsi-deildina í janúar? Jaaa, því ekki.
Mynd: Fótbolti.net - Hafliði Breiðfjörð
Tómas Þór Þórðarson er mættur heim frá Bandaríkjunum og verður með Elvari Geir Magnússyni í útvarpsþættinum Fótbolti.net á X977 í dag. Þátturinn er alla laugardaga milli 12 og 14.

Sérstakt landsliðshringborð verður á dagskrá og við kynnum hina nýju Þjóðadeild til leiks. Dregið verður á miðvikudaginn og ljóst að Ísland mun mæta stórþjóðum í þessari keppni. Gunnar Gylfason, starfsmaður KSÍ, er einn helsti sérfræðingur landsins um þessa nýju keppni og hann kíkir í kaffibolla.

Elvar og Tómas munu einnig skoða nýjustu fréttir af landsliðsmönnunum okkar og baráttuna um flugseðlana til Rússlands.

Pepsi-deildin verður einnig til umfjöllunar. Er glórulaust að spá fyrir um deildina í janúar? Já vissulega en það er skemmtilegt og því verður opinberuð janúarspá útvarpsþáttarins. Hvernig er spáin miðað við leikmannahópa liðanna í dag?

Þá höldum við áfram að taka púlsinn á liðum Pepsi-deildarinnar. Óli Stefán Flóventsson, þjálfari Grindavíkur, verður á línunni.

Útvarpsþátturinn Fótbolti.net er á X-inu alla laugardaga kl. 12-14. Umsjónarmenn þáttarins eru Tómas Þór Þórðarson og Elvar Geir Magnússon. Hægt er að finna þá á X samfélagsmiðlinum undir @tomthordarson og @elvargeir.

Smelltu hér til að hlusta á upptökur úr eldri þáttum.

Þú getur hlustað á X-ið á netinu með því að smella hérna

Athugasemdir
banner
banner
banner
banner