„Það eina sem ég held að geti bjargað þeim er að liðin fyrir neðan þá haldi áfram að vera ömurleg. Þetta er engin tímabundin tveggja mánaða lægð. Þeir hafa verið ömurlegir í allan vetur. Það er raunverulegur möguleiki á að Englandsmeistararnir fari niður," sagði Hjörtur Hjartarson í sjónvarpsþætti Fótbolta.net í vikunni þar sem gengi Englandsmeistara Leicester var rætt.
Eftir ævintýrið á síðasta tímabili þá hefur Leicester ekki skorað mark í ensku úrvalsdeildinni á þessu ári og einungis eitt stig er í fallsvæðið.
Eftir ævintýrið á síðasta tímabili þá hefur Leicester ekki skorað mark í ensku úrvalsdeildinni á þessu ári og einungis eitt stig er í fallsvæðið.
„Það er furðulegt að segja þetta en það kæmi mér ekkert á óvart ef þeir falla og það kæmi mér heldur ekkert á óvart ef þeir fara áfram úr 16-liða úrslitum í Meistaradeildinni," sagði Óli Stefán Flóventsson.
„Þetta er stemningsvél og stemningin er ekki með þeim í enska boltanum á meðan þeir tapa varla leik í Meistaradeildinni. Þeir eru auðlensir. Liðin eru búin að lesa þá og þeir Wes Morgan og Robert Huth eru seinir og hrikalega slakir. Þeir skora ekki lengur og þetta er samspil af mörgum atriðum sem eru í gangi þarna," bætti Óli við.
Spurningamerki hefur verið sett við það hvort Claudio Ranieri sé ennþá með traust leikmanna.
„Núna er stóra spurningin í bakherbergjum Leicester hvort það eigi að halda Ranieri eða ekki. Hvort þeir geri það eða ekki er ómögulegt að segja. Ef maður fengi að æfa með þeim í eina viku þá gæti maður séð hvernig hópurinn er að fíla hann núna. Ef hann er búinn að missa liðið þá á að drífa sig í að skipta þjálfara strax og reyna að bjarga málunum. Það er skrýtið hvað lykilmennirnir þeirra eru að spila illa og ég spái þeim niður," sagði Baldur Sigurðsson.
N'Golo Kante var stórkostlegur á miðjunni hjá Leicester í fyrra og hans hefur verið sárt saknað síðan hann fór til Chelsea í fyrrasumar.
„Leicester varð verðskuldað meistari í fyrra en þá pössuðu öll púsl saman hjá þeim. Þegar Kante, miðjupúslið, er tekið út þá molnar þetta í sundur. Það er bara hola. Maður sér greinilega á Leicester liðinu í dag hvað það er mikilvægt að jafnvægi liðsins sé rétt. Það er eitt púsl tekið út og liðið hrynur," sagði Óli Stefán.
Hér að ofan má horfa á umræðuna í heild sinni.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir