McBride var einungis 27 ára gamall þegar hann fannst látinn á heimili sínu, en dánarorsökin er ókunn. Hann hafði daginn áður spilað í 4-0 sigri gegn Drogheda.

Írska knattspyrnusambandið hefur vottað samúð sína sem og þarlend leikmannasamtök.

McBride hafði spilað með Derry City allan sinn feril og átti 131 deildarleik að baki fyrir félagið, sem hefur unnið fyrstu fjóra leiki sína í írsku úrvalsdeildinni á tímabilinu. Þess má geta að lokaleikur hans á ferlinum var gegn sama andstæðingi og hann hafði spilað sinn fyrsta aðalliðsleik fyrir Derry City.