Theodór Elmar Bjarnason, leikmaður Randers í Danmörku, lék allan leikinn er lið hans sigraði topplið Aab með tveimur mörkum gegn einu.
Aab er með 52 stig á toppnum þegar liðið á fimm leiki eftir en Randers er í sjötta sæti með 36 stig.
Elmar, sem hefur verið í lykilhlutverki hjá Randers, lék allan leikinn í dag og var einn besti maður leiksins.
Hann er í liði vikunnar í dönsku úrvalsdeildinni en hann hefur átt ansi gott tímabil með danska liðinu.
Athugasemdir