Eftir tímabil vonbrigða gætu miklar breytingar verið framundan hjá enska úrvalsdeildarliðinu Aston Villa, bæði utan sem innan vallar.
Breskir fjölmiðlar greina frá því að Randy Lerner, eigandi Villa, vilji selja félagið og að bandarískur kaupsýslumaður hafi áhuga á að kaupa það. Talið er að félagið sé metið á 200 milljónir punda.
Óljóst er hver hugsanlegur kaupandi er, annað en að hann eigi hafnaboltalið í Bandaríkjunum.
Viðræður hafa þegar farið fram en ganga þó hægt og er ekki öruggt að af sölunni verði.
Þá eru eigandaskiptin talin setja framtíð Paul Lambert, stjóra Villa, í mikla óvissu.
Athugasemdir