Luis Enrique, þjálfari Barcelona, segir að hann muni seint gleyma frammistöðu liðsins í fyrri hálfleiknum gegn Juventus í fyrri leik liðanna í 8-liða úrslitum Meistaradeildarinnar.
Juventus vann fyrri leikinn 3-0, en í gær mættust liðin í seinni leiknum á Nývangi. Þar var niðurstaðan markalaust jafntefli.
Juventus vann fyrri leikinn 3-0, en í gær mættust liðin í seinni leiknum á Nývangi. Þar var niðurstaðan markalaust jafntefli.
„Ég mun muna það sem gerðist í fyrri hálfleiknum á Juventus-leikvanginum í mjög langan tíma," sagði Enrique í gær.
„Þáttaka okkar í þessari keppni á þessu tímabili hefur verið ógleymanleg, en við áttum mjög slæman fyrri hálfleik í Tórínó."
Barcelona tókst ekki að skora í gær, en liðið þurfti að vinna upp 3-0 forskot Juventus. Enrique var skiljanlega pirraður með leikinn í gær.
„Ég er pirraður yfir því að okkur tókst ekki að vinna leikinn vegna þess að við reyndum eins og við gátum, en við gátum ekki fundið leiðina að markinu þeirra," sagði Enrique að lokum.
Athugasemdir
