Aco Pandurevic.
Ægir hefur samið við Jonathan Hood og Aco Pandurevic um að þeir leiki með liðinu í 3. deildinni í sumar.
Hood er miðjumaður frá Wales en hann kom sterkur inn í lið Ægis um mitt sumar í fyrra.
Hood var meðal annars valinn leikmaður umferðarinnar í 2. deildinni en góð frammistaða hans náði ekki að hjálpa Ægi að bjarga sér frá falli.
Aco hefur spilað með Ægi frá því árið 2011 en hann spilaði alla leiki í fyrra nema einn.
Ægir hefur leik í 3. deildinni gegn KFG á útivelli þann 12. maí næstkomandi en á laugardag mætir liðið Ými í fyrstu umferð Borgunarbikarsins á grasinu í Þorlákshöfn.
Aco er leikjahæsti erlendi leikmaðurinn í sögu félagsins með 91 leik fyrir Ægi og skorað 12 mörk í þeim!
— Ægir FC (@aegirfc) April 18, 2017
Jonathan Hood var með okkur í fyrra og skoraði 4 mörk í 11 leikjum, frábær liðsstyrkur fyrir okkur í 3.deildinni!
— Ægir FC (@aegirfc) April 18, 2017
Jonathan Hood í leik með Ægi í fyrra.
Athugasemdir
