fim 20. apríl 2017 11:45
Guðmundur Aðalsteinn Ásgeirsson
Rakitic: Viljum vinna El Clasico fyrir Neymar
Ivan Rakitic.
Ivan Rakitic.
Mynd: Getty Images
Ivan Rakitic segist vilja vinna El Clasico-leikinn gegn Real Madrid fyrir liðsfélaga sinn, Neymar, sem missir af leiknum vegna leikbanns.

Barcelona og Real Madrid mætast á sunnudaginn í leik þar sem mikið er undir. Barcelona verður að vinna til að halda sér í baráttunni um spænska meistaratitilinn.

Barcelona verður án Neymar í leiknum, en það er mikið áfall. Neymar er að taka út þriggja leikja bann fyrir hegðun í garð dómara í leik gegn Malaga á dögunum.

„Við höfum sýnt það áður að við getum unnið þegar Neymar spilar ekki. Auðvitað væri mikið betra að hafa hann með okkur, vegna þess að hann er einn besti leikmaður heims," sagði Rakitic.

„Við höfum mikið sjálfstraust og við erum með sterkt lið. Við viljum sýna Neymar, að þegar hann er ekki með okkur þá getum við samt unnið, og vonandi getum við unnið fyrir hann."
Athugasemdir
banner
banner
banner
banner
banner