Carlos Tevez skilur ekki óánægjuna í stuðningsmönnum Shanghai Shenhua. Þeir voru ekki par sáttir þegar sást til hans í Disneyland-i á sama tíma og hann gat ekki spilað fyrir liðið vegna meiðsla.
Tevez missti af leik gegn Changchun Yatai, en hann var myndaður ásamt fjölskyldu sinni í skemmtigarðinum á meðan liðsfélagar hans voru að ferðast í leikinn sem þeir unnu naumlega 3-2.
Tevez missti af leik gegn Changchun Yatai, en hann var myndaður ásamt fjölskyldu sinni í skemmtigarðinum á meðan liðsfélagar hans voru að ferðast í leikinn sem þeir unnu naumlega 3-2.
„Ég las fréttirnar (um gagnrýni) um ferð mína í Disneyland með fjölskyldu minni," sagði Tevez við kínverska fjölmiðla. „Þetta var frídagur hjá mér. Ég fór í Disneyland eftir æfingu. Ég er bara venjuleg manneskja, og það er venjulegt að verja gæðastund með fjölskyldu minni," sagði Argentínumaðurinn einnig.
„Ég æfi með alvöru hugarfari, og þegar ég er í fríi þá vonast ég til þess að það sé virt. Ég vona að það verði ekki fjallað um einkalíf mitt aftur," sagði Tevez sem er talinn launahæsti leikmaður heims.
Athugasemdir