fim 20. apríl 2017 22:00
Bjarni Þórarinn Hallfreðsson
Tveir erlendir leikmenn til Vestra (Staðfest)
Mehdi Hadraoui
Mehdi Hadraoui
Mynd: Vestri
Vestri á Ísafirði hefur styrkt sig fyrir komandi átök í 2. deildinni í sumar en tveir erlendir leikmenn eru gengnir til liðs við félagið.

Mehdi Hadraoui er 29 ára Belgi en hann er ættaður frá Marokkó. Hann lék síðast með Al-Taawoon Club í Sameinuðu arabísku furstadæmunum en hann leikur á miðjunni.

Þá er markvörðurinn Deyan Minev einnig genginn til liðs við félagið en hann kemur frá Búlgaríu. Deyan lék síðast í Kýpur.

Vestri lenti í 6. sæti í 2. deildinni síðasta sumar og ljóst er að stefnan á Ísafirði er sett ofar í deildinni.

2. deildin hefst 6. maí.
Athugasemdir
banner
banner
banner
banner
banner