Ivan Gazidis stjórnarformaður segir að Arsenal þurfi að sýna hugrekki í vali á næsta stjóra liðsins.

Arsene Wenger tilkynnti í dag að hann muni stíga til hliðar þrátt fyrir að eiga enn eitt ár eftir af samningi sínum.

Gazidis segir það mikilvægt að taka rétta ákvörðun og að það muni taka tíma.

„Ferlið hefst í dag. Það ferli mun fara fram á bak við tjöldin hjá Arsenal. Félagið þarf að takast á við ákveðna áskorun. Við þurfum að finna nýja leið áfram."

„Við þurfum að vera með opin huga og vera hugrakkir þegar við tökum þessa ákvörðun. Við þurfum að fá þá persónu sem við teljum að sé rétt í starfið."