Roman Shirokov, leikmaður Zenit í Pétursborg, skrifaði á Twitter að CSKA Moskva væri vel að meistaratitlinum komið í Rússlandi. Það fór ekki vel í stuðningsmenn Zenit en liðið er í öðru sæti deildarinnar.
Þegar Shirokov kom inn sem varamaður í síðasta heimaleik Zenit fékk hann óblíðar móttökur og baulað var á hann af eigin sutðningsmönnum.
Leikmaðurinn skoraði svo í uppbótartíma og fagnaði með merkjagjöf til stuðningsmanna Zenit. Dómarinn flokkaði það sem óíþróttamannslega framkomu og lyfti rauða spjaldinu á lofti.
