,,Við börðumst vel allar 90 mínúturnar og það er gaman að fá loksins þrjú stig," sagði Joshua Wicks markvörður Þórs eftir sigur sinna manna gegn Víkingi Ó. í kvöld.
,,Það er alltaf gaman að halda hreinu en ég spáði ekkert í því. Ég vissi að við værum að vinna 1-0 en ég hugsaði ekkert sérstaklega um að halda hreinu. Venjulega er ég með það á heilanum þannig þetta var skrítið. En það er jákvætt fyrir vörnina, mig og liðið að hafa loksins haldið hreinu."
,,Þjálfarinn gerði nokkrar breytingar á byrjunarliðinu og strákarnir mættu með allt annað hugarfar í þennan leik heldur en í seinasta heimaleik gegn FH sem tapaðist. Þetta er heimavöllurinn, hann á að vera óvinnandi virki og þú vilt ekki gefa nein stig á honum. Við fórum með það hugarfar inn á völlinn, að berjast um hvern einasta bolta og það skilaði sér."
,,Vonandi mun þetta breyta leik okkar til betra. Við munum taka þennan sigur með okkur í næsta leik á sunnudag og hann á eftir að drífa okkur áfram," sagði Wicks að lokum.
Viðtalið má sjá í heild sinni hér fyrir ofan.
