Bjarni Guðjónsson, þjálfari KR var sáttur við 3-1 sigur sinna manna gegn Fylki í kvöld.
Lestu um leikinn: Fylkir 1 - 3 KR
„Já, á móti liði sem var ósigrað hingað til. Liðsheildin var sterk hjá okkur og allir að leggja sig fram og inn á milli spilum við fínan fótbolta."
„Þrátt fyrir að við fengum ekki stigin í fyrstu tveim leikjunum þá voru þetta tvö-þrjú atriði sem kostuðu okkur fimm stig."
Bjarni segir skiljanlegt að KR-ingar hafi ekki ennþá náð sinni bestu spilamennsku hingað til í mótinu enda er ennþá bara maí.
„Það var lítið sem þurfti að breyta og laga. Það er ennþá maí, mótið er oft svona í byrjun, það er mikil barátta og eitt og eitt móment þar sem er spilaður góður fótbolti."
KR á ÍBV í næsta leik og býst Bjarni við erfiðum leik.
„Nei, það er ekkert dauðafæri í þessu, því miður. Þeir eru særðir og verða erfiðir við að etja."
Athugasemdir