„Það er fyrst og fremst að við erum ekki að hlaupa rétt inn og ekki að sparka boltanum í markið þegar við komum boltanum inn í teiginn.“ sagði Kristján Guðmundsson þjálfari Keflvíkinga aðspurður hvað hafi klikkað í tapi liðsins gegn Fjölni í Pepsi-deild karla.
Lestu um leikinn: Fjölnir 1 - 0 Keflavík
„Þetta virtist vera 0-0 leikur. Ég tel að það hefðu verið eðlileg úrslit en þetta er bara óheppni að fá boltann í hendina inni í teig og svona gerist.“
Það er svekkjandi að hafa ekki haldið þetta út. Við erum mun betra liðið í fyrri hálfleik en Fjölnismenn koma mjög sterkir inn í seinni hálfleik, það er ekki bara við sem að gefum eftir. Við eigum náttúrulega að halda þetta út.
Það kom okkur ágætlega á óvart hvernig þeir komu sér inn í seinni hálfleikinn. Það var góð stemning í hópnum fyrir leikinn og í hléi, vissum hvað við ætluðum að gera og í hverju við myndum lenda þegar við kæmum hérna út. Að við höfum ekki náð að rúlla boltanum jafn vel og í fyrri hálfleik í þeim seinni eru ákveðin vonbrigði.
„Við höldum áfram að vinna. Þó svo að kaupið sé lágt þá verður maður að vinna.“
Athugasemdir