sun 20. maí 2018 06:00
Guðmundur Aðalsteinn Ásgeirsson
Sjáðu mörkin er vel mannað lið KH sigraði Ægi
Mynd: Sigurður Konráðsson
Mjög vel mannað lið KH sigraði Ægi í eina leik föstudagskvöldsins síðasta í 3. deild karla.

KH hefur fengið sterka leikmenn til liðs við sig í vetur og ætlar Hlíðarendarliðið sér að vera í toppbaráttu í sumar eftir að hafa komið upp úr 4. deildinni í fyrra.

Einn af leikmönnunum sem liðið hefur fengið er Arnar Sveinn Geirsson sem spilaði nokkuð stórt hlutverk í Íslandsmeistaralið Vals í fyrra. Arnar var ekki lengi að láta til sín taka í kvöld, hann kom liðinu 1-0 yfir eftir 20 mínútna leik.

KH komst í 2-0 á 60. mínútu og nokkrum mínútum síðar gerði Ingólfur Sigurðsson algjörlega út um leikinn. Lokatölur 3-0 og er KH með fullt hús stiga eftir tvo leiki.

KH sinnir góðu starfi á samfélagsmiðlum en liðið hefur birt myndbönd af mörkunum sem liðið skoraði á föstudagskvöld.

Hér að neðan eru mörkin.







Athugasemdir
banner
banner
banner