Leiðin á EM eru þættir sem RÚV sýnir til að hita upp fyrir úrslitakeppni Evrópumóts kvenna sem hefst í Hollandi í næsta mánuði.
Fyrsti þáttur af fjórum var á dagskránni í kvöld en þar var Dagný Brynjarsdóttir meðal annars í mjög áhugaverðu viðtali þar sem hún fór yfir upphafsár sín í boltanum.
Fyrsti þáttur af fjórum var á dagskránni í kvöld en þar var Dagný Brynjarsdóttir meðal annars í mjög áhugaverðu viðtali þar sem hún fór yfir upphafsár sín í boltanum.
Edda Sif Pálsdóttir er umsjónarmaður þáttanna en María Björk Guðmundsdóttir og Vilhjálmur Siggeirsson annast dagskrárgerð.
Ísland er með Frakklandi, Sviss og Austurríki í riðli í lokakeppninni og hefur leik gegn Frökkum þriðjudaginn 18. júlí.
Hér að neðan má sjá atriði úr þættinum í kvöld þar sem Freyr Alexandersson landsliðsþjálfari fór yfir leiðina í gegnum undankeppnina á skemmtilegan og hnitmiðaðan hátt.
Átta leikir; sjö sigrar og eitt tap. Íslenska kvennalandsliðið skoraði 34 mörk í undankeppni EM og fékk tvö á sig.
Athugasemdir
